Giornata della Memoria: Tonino Lenti ricorda Padre Massimiliano Kolbe, martire di Auschwitz
Fu condannato a morire di fame nel bunker della morte
“AVE MARIJE…” FÙ L’ÙRTIME PENZIERE di Tonino Lenti
(Padre Massimiliano Maria Kolbe martire di Auschwitz)
Quedd’arie belle ’ndrinzeche,
de Sole settembrine
se ’ngnurecò de botte,
’nu rembbombe ind’a ll’arie
carrarmate
’mmienz’a strade,
’a Polonie pèrde ’a pace. (1)
Le nazziste ind’a le case
spèrte pp’abbreije, mutelàte (2)
e ttand’òtre aneme ’nnucènde,
pure ’a Chièsie fù miàte (3)
franciscàne ’ncarciaràte,
“Padre Kolbe”
Auschwitz ’nternnàte. (4)
A cume mettì pète
a’u campe de sterminie,
’u nùmere “16670”
le ’nzeccarene ’mpiette,
ma indr’u core
l’amore de Marije ’Mmaculate
tenève sempre strìtte.
No se perdì dd’àneme
’mmienze a le bbarracche, (5)
’mbrà lamende e affamate,
fede e caretate
predicàve,
’u pane da mmòcche
pe ll’òtre se levave. (6)
’Nu ggiùrne da quidde ’mbièrne
’nu prigiuniere
scappò da ’u campe,
sturcèrene ’u nase le comandande, (7)
’na decìne de carciarate
c’u spiùle de pane e acque
fùrene cunnannate.
Sckuppiò a cchiangere
desperàte ’nu ggiòvene polacche, (8)
’a famiglie a case
dicève l’aspettave,
’nu passe ’nnanze subbete
facì Kolbe
a’u poste suve sckacchiò ’a morte. (9)
E cu’a preghiere
trainàte da Padre Kolbe
a une a une
ss’accasciàrene a’u destìne,
quattre sule cu Kolbe
ancore vive
candàvene e lodàvene a Marije.
A vvocc’apèrte le uardiane (10)
a quedda viste,
stè ’ddemurave assèije
stù supplizie,
’na ’ngniziòne de velène apprundàrene, (11)
p’accurtèscere ’a morte
a ste pover’aneme.
’U franciscàne
stennì ’u vrazze a’u bboije
e quanne l’aghe le pungì ’a vène,
“Padre Kolbe”
azò l’uècchie a’u ciele
“Ave Marije…”
fù l’ùrtime pinziere.